सुनामीहरू (Tsunamis)

सुनामीका लागि तयार हुनुहोस्

अष्ट्रेलियाको उत्तर-पश्चिम र पूर्वी तटहरूमा सुनामीहरू आउने बढी सम्भावना हुन्छ। तथापि, ती जहाँ पनि आउन सक्छन्।

आज तयारी गर्नाले तपाईंलाई सुनामी आयो भने सुरक्षित रहन मद्दत गर्न सक्छ। आफ्नो घरमा सबैजनासँग कुरा गर्नुहोस् र सँगै तयारी गर्नुहोस् ताकि प्रत्येक व्यक्तिलाई के गर्ने भनेर थाहा होस्।

चेतावनी दिने संकेतहरू जान्नुहोस्

यदि तपाईंले यी मध्ये कुनै पनि सङ्केतहरू देख्नुभयो भने, तुरून्तै कदम चाल्नुहोस्: भित्री भूभाग वा उचाइ भएको स्थानतर्फ सर्नुहोस्।

यदि तपाईंले पृथ्वी हल्लिएको महसुस गर्नुभयो भने

सुनामी आउनु अघि समुद्र भित्रको भूकम्प महसुस हुन सक्छ, यद्यपि टाढाका भूकम्पहरू थापा पाउन नसकिने हुन सक्छन्।

यदि तपाईंले समुद्रको सतह घटेको देख्नुभयो भने

सुनामी आउनु अघि समुद्रको सतह अचानक घट्न सक्छ (तर सधैँ यस्तो हुँदैन)। त्यसपछि यो द्रुत गतिमा चल्ने छालको रूपमा फर्कन्छ।

यदि तपाईंले असामान्य गर्जन सुन्नुभयो भने

ठूलो महासागरको गर्जनले आउँदै गरेको सुनामीको संकेत गर्न सक्छ।